H. Usep Romli HM. Foto: Facebook Usep Romli

TUTUNGGUL 


Taya nu leuwih merenah dikedalkeun salian ti pileuleuyan

Tuluy ngaruntuhkeun sakabéh cukang gaib peupeuntasan rasa

nu kungsi dipalangkeun ti wates impian ka wates kanyataan

Lantaran antara saréat jeung hakékat jauhna ukur sagurat:

Sakarat 


Bari meungpeun; tegerkeun leungeun

Tuliskeun ucap sakecap: Peun. 


1976