Lelebu Suuk | Deungeun Sangu Urang Sunda Baheul

Salian beunghar ku seni jeung budayana, tatar Sunda ogé kawentar ku rupaning kadaharanna nu ngabogaan ciri jeung khas sorangan. Diantarana waé kadaharan asli Sunda nu geus moal bireuk nyaéta tutug oncom jeung surabi. Mun urang nyoréangkeun ingetan ka mangsa lawas tangtu loba pisan hal ihwal nu geus kalarung dina ingetan, conto leutikna kadaharan. Baheula, meureun urang kungsi nyangonto nalika indung keur ngakeul sangu, ménta dihuapan sangu sakeupeul nu dipurulukan uyah. Mun inget kana sangu sakeupeul asana urang bakal inget kana nu ngarana lelebu suuk atawa rénos suuk?

Malah meureun masih kénéh aya dina zaman kiwari nu mirajeun nyieun lelebu suuk keur deungeun sangu, ilaharna lelebu suuk jadi deungeun sangu keur sasarap. Kumaha waé resép jeung cara nyieunna? Hayu urang inget-inget deui, ieu dihandap resép 

Bahan-bahan:

- Dua plastik suuk/kacang taneuh

- Asin teri

- 1 Sihung bawang beureum

- 1 Cikur

- 4 Siki céngék

- 1 Séndok entéh uyah

- ½ Séndok entéh sasa/pécin

- ½ Tarasi (mun resep)

Cara nyieun:

- Réndos céngék, bawang, cikur, tarasi, nu geus dicampur uyah jeung pécin

- Sanggeus éta samara lemes, kakarak réndos jeung suukna

- Tuluy galokeun jeung teri (mun resep)

- Lelebu suuk siap dipurulukeun kana sangu haneut